N° 2081 ) Pour étrenner l’année qui vint
- J ’voudros vous dire que tout va bin,
- Que l’ bonheur buque à tous les portes,
- Qu’ in politique, à Brégançon, ch’est l’ paradis
-Et qu’ comme des fleurs ed tous les sortes
- La joie fait signe à nos cassis
-Qu’la dguerre a déposé les armes
-Qu’ à la Lanterne in a pus b’soin d’gendarmes
-Qu’in f’ra des concours d’ imbrachates
-Passe qu’in est tertouss dev’nus camarates.
-Ah, que j’ voudros dire cha, mes gins !
-Rin qu’ pour enne fos.
-Rin qu’ pour étrenner l’an qui vint
-Vous l’ dire sins rire et sins mintir
-Mais j’ peux pos.
-Car pour parler comme nous z’autes anciens :
-« In n’ rit pos du malheur des gins »
-Du coup, si je n’ peux pos mintir
-Et qu’ des misères in n’peut pos rire,
-A tertouss, j’vas simplemint souhaiter,
-Comme in faijot au temps passé,
-Enne bonne année ! enne bonne santé !
-Pour les jeunes, trouver d’ l’ ouvrache !
-Pour les autres, garder l’ courache !
-Et comme in a tellemint prédit
-Que ch’ vaccin arringerot tout,
-Même si cha nous fait pos plaijir
-Plutôt qu’ ruchonner et que s’ plainte
-In s’ra patients et dijons- nous ..
-Qu’y a pus foc qu’ un certain temps… à attinte.
( Reçu de mon ami Alain-Pierre )
/image%2F0709683%2F20210105%2Fob_b4735c_bonne-annee-2021.jpg)